بمناسبة زيادة الاسعار اليكم هذه الاشعار من ابدعاتي
حكومة ذكية وشعب حزين
قاولوا الاسعار زادت ومش قادرين
مافيش علاوة يا مؤمنين
قالولهم علاوة ؟؟؟ نجيب منين
السعر زاد ده حال العالمين
واحنا دولة مديونين
طيب فكرة عظيمة يا شعب الفراعين
هتاخدوا علاوة علي الميه تلاتين
فرحنا وبقينا مظقطاطين
وقالوا الغلابة تحية سلامة لحبيب الملايين
يارافع رايتنا وحامي بلادنا يارب تعيش الاف السنين
قالوا ياشعب يا ناصح يا واعي انت عارف اننا مديونين
هنرفع سعر الغاز والسولار والبنزين
علشان يكون فيه موارد .. امال ياشعب اجيبلك منين
دي حاجة بسيطة هنرفع بس علي الميه اربعين
يعني علاوة ياناس تلاتين وتبقي الزياده كمان اربعين
والفرق ده اجيبه منين
يعني هنفضل كده شحاتين
صحيح حكومة ذكية لشعب حزين
من غير تهريج انا ماعنديش موهبة الشعر اصلا
هناك 3 تعليقات:
اااااااااااااية
عظمة على عظمة يا ست
معاك العقيد احمد اسماعيل من امن الدولة
لو شفتك عند احمد عيد تانى يبقى دى نهايتك
أعد ياااااااااااا قول كمان
وسمعني سلام لو مكنتش الحكومة تدلعني مين حيدلعنى
حاسب على نفسك يا ابنى ماشى؟ممكن تحصل كبسة على المدونة فى اى وقت انت كدة جبت من الاخر..يللا تعالى زور المدونة بتاعتى بدل ما ابلغ عنك بسرعة..
إرسال تعليق