عيد سعيد

كل عام وانتم بألف خير
وبالمناسبة دي حبيت اعرض عليكم الرسائل اللي وصلتني بهذه المناسبة السعيدة
الرسالة الاولي من الحزب الوطني

الرسالة الثانية

ودي علي التليفون

الرسالة تقول :

عيد مبارك ,,,,,,, ونظيف

وكله سرور ,,,,,, وجمال ,,,,,,, وكمال

مع تحيات الحزب الوطني

الرسالة الثالثه

علي التليفون برضه

وبتقول

خرفان كتير ...... وحجات حلوة وطراطير

وجاتوه وفطير ..... والاهلي خطيررررررر

والريس لسه قدامه كتييييييييييييييييييييييييييييير

ملحوظة الثانية والثالثه من ناس اصحابي اعضاء في الحزب الوطني

ومره ثانية عيد سعيد

تحديث :

تم تغيير التحية الرسمية للعيد

من

عيد مبارك

الي

يا جمال العيد

انا فعلا اسف عن التأخير في الكتابة بس والله كنت مشغول جدا

المهم انا قابلت صاحبي اللي انتم عارفينه

واقترحت عليه ان اعمل صحفي ويتقمص هو دور مسؤل كبير

ودارت المناقشة كالتالي :

هل ستؤثر الازمة الاقتصادية العالمية علي النمو الاقتصادي المصري

اجاب : لا .... اطلاقا.......... لن تتأثر مصر بأي ازمات اقتصادية

 مش لان اقتصادنا قوي ولا حاجة  لا احنا اصلا مافيش عندنا اقتصاد علشان يتأثر

وبسوال معاليه عن القضية التي شغلت الرأي العام  المعروفة بإسم  ( سوزان تميم )

اجاب  : لا تعليق علي احكام القضاء ونحن نثق في نزاهة القضاء المصري والذي اثبت انه لا يتأثر بالمشاعر او الهوجات الاعلامية

بدليل برأة  ممدوح اسماعيل - صاحب العبارة -    وهاني سرور     - صاحب اكياس الدم -

والحكم بحبس ابراهيم عيسي - صاحب الدستور -

وربنا يكرم في قضية هشام طلعت  - صاحب سوزان -

وعندما بدانا التحدث عن التغير القادم  

قال  : ان البلاد تشهد حالة قوية من الاستقرار السياسي  مما يؤكد ان التغير قادم في موعده وليس هناك ضرورة من التغير الان ويدينا ويديك طولة العمر

وطبعا كان لازم اسأل عن موضوع التوريث خصوصا وان احنا في موسم الكلام ده 

اجاب : ان الطبيب يحب ان يكون ابنه طبيبا ليرث العياده

والفلاح يحب ابنه فلاحا ليتابع الارض ( دا اذا كان عنده يعني )

....... حتي في المسابقات بتاعة التعيين بيبقي فيه استثناء لابناء العاملين 

يبقي تنكرو الحق ده علي شخص معين كونه ابن فلان او ابن علان او ابن الريس

والي هنا انتهي اللقاء  

الشجاعة

حالة نفسية زي الزفت من شهرين ملازماني

اكتشفت في نهايتها انه:

ليس من الشجاعة ان تواجه الموت لكن الشجاعة ان تواجه الحياة

انا وصديقي

اولا اعتذر عن التأخير ولكن والله مش بإيدي

المهم ندخل في الموضوع علي طول

النهارده قعدت مع صديقي القديم صاحب الاراء الغريبة

واللي المفروض انكم تابعتوها في البوستات القديمة

و طبعا لظروف خارجة عن ارادتنا لم التقي بهذا الصديق الواعي الفاهم

وبالتالي وبمجرد ما قبلته كان لازم انتهز الفرصة دي واستقي من علمه

وملخص القاعدة دي انا عملته

س & ج

زي الامتحانات بتاعة الثانوية العامة ولكن طبعا لم يتم تسريب الامتحانات والاسئة والاجوبة

الملخص :

انا : عرف المساواة ؟

هو : هي كلمة من مقطعتين

الموس : وهي أداه يقطع بها لسان كل مواطن يتطوال على الحكومة

و ألواه :- هي الكلمة التي تصدر من ذلك المواطن لما يقطع لسانه

انا : لماذا نقول دائماً على الناجحين في الإنتخابات أنهم ناجحون باللعب في الأصوات؟

هو: علشان احنا شعب حاقد وخسارة فينا الديموقراطية

انا: لماذا لا يتحد العرب؟؟

هو : عشان يوفروا نفقات الاحتفالات السنوية بالعيد

انا : ما هو افضل تعريف للشعوب العربية ؟

هو : "خرفان مغمية يقودها حمار يا ترى هيوديها فين" مع الاعتذار للشعوب العربية وللحمار

طبعا كان فيه كلام كتير مش وقته ده ابقي أقوله بعدين

ونعم الصفات القويمة

وكيل وزارة الزراعة في الغربية بيقول للفلاحين:
انتوا متخلفين وهاتعيشوا طول عمركم وسط الناموس والذباب
وما فيش فرق بينكم وبين الديدان اللى بتشكوا منها ..


وقبل كده  محافظ كفر الشيخ بيقول :
دي شغلانة وسخة  ( شغلة المحافظ  )

وقديما قالوا  :

ان هناك مؤهلات معينة يجب ان تتوفر في القيادات  التنفذية


وانا أقول  :
ونعم المؤهلات ،  ونعم الاخلاق العظيمة

عودة الي الارشيف

رايس تتصل بعباس للتأكد من تمسكه بشروط واشنطن
أمريكا تقطع الطريق أمام جهود المصالحة بين فتح وحماس
أولمرت يعتزم شن عدوان واسع علي غزة ويستبعد اتفاق تهدئة مع الفصائل



العنوان ده موجود  في الاخبار

اول ما قريته  تذكرت بوست قديم كنت كتبته
ده عنوانه
الفرق بين العمليتين

سالت احد الاصدقاء: ايه الفرق بين عملية السلام في الشرق الاوسط و عملية البواسير في المستشفي؟
قال لي ببساطة: الفرق ليس كبيرا لان في الحالتين لابد ان يلبس المريض "خابورا"

فعلا مهما طال الزمن مافيش اي حاجة بتتغير عند العرب دول

حزب العاطلين

جائتني رسالة علي الاميل من صديقي

بعنوان : تعبت جداً من كتر الشغل

نص الرسالة

منذ عدة أعوام وأنا أعاني من عملي الكثير والمجهد

وأبحث عن السبب في كل ضغط العمل عليَّ

حتى وجدت السبب الحقيقي في كوني مشغول طول الوقت
أنا تعبت جداً من كتر الشغل
عدد سكان بلدي 77 مليون
منهم 34 مليون عجائز وكبار السن
فيتبقى 43 مليون لكي يعملون

منهم 27 مليون لا يزالوا يدرسون
فيتبقى 16 مليون للعمل
منهم 9 مليون بالداخلية والجيش
فيتبقى 5 مليون للعمل
منهم 2 مليون حكوميين وسياسيين
فيتبقى 3 مليون للعمل

منهم 2 مليون و550 ألف مرضى بالمستشفيات ومعاقين ومقعدون

فيتبقى 450 ألف للعمل
منهم 449998 في السجون
فيتبقى 2 فقط للعمل.. أنا وأنت
وانت سايب شغلك وقاعد تقرا الإميل بتاعك
يعني أنا بس اللي بشتغل
مليش دعوة أنا عاوز أجــــــازة

وانا بدوري ارد علي صديقي

صديقي العزيز

ردا علي رسالتك الغالية

اريد توضيح شئ بسيط جدا لك

واضح انك بسبب اجهادك في العمل

نسيت :

اني لا اعمل "عاطل يعني "

اما المصيبة الكبري انك سقط منك سهوا انك

ايضا لا تعمل " عاطل برضه " "يعني انت اصلا في اجازة مفتوحة"

وبالتالي لا يوجد احد يعمل في بلدنا

بايخة !!!!!!!!!

بعد غلاء العيش وبعديه غلاء البنزين تذكرت هذه النكته


سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت


بالرغم من انها نكته بايخة ولكنها تعبر عن الواقع المرير الذي نعيشه


شوف دول بقي

مرة الريس عايز يزود شعبيته فقال لرئيس الوزرا يعلي الأسعار فالناس تتضايق يقوم هو منزلها.
فعلا رئيس الوزرا زود الأسعار، بس الناس ما اتكلمتش، عادي خالص.
الريس استغرب قوي و قال لرئيس الوزرا "طب خلي الضرايب على المرتبات خمسين للمية".
زود الضرايب على المرتبات خمسين ف المية الناس هزت دماغها و سكتت.
الريس اتجنن و قال لرئيس الوزرا "بص، طلع أي قرار غشيم من عندك يخلي البلد تولع" رئيس الوزرا عمل ضريبة للي يعدي كوبري يدفع عشرة جنيه.
الناس نفخت و ضربت كف بكف و دفعوا.
رئيس الوزرا خلى اللي يعدي يدفع عشرة و عشرة و هو طالع م الناحية التانية.
الناس قالت اللهم طولك يا روح و أمرنا لله و دفعوا.
رئيس الوزرا كبرت ف دماغه و أمر إن اللي يعدي بعد ما يدفع عشرة و هو خارج م الكوبري ياخد على قفاه.
ونزل الريس بنفسه متنكر يتابع الموقف. الناس تدفع و هية معدية عشرة جنيه و عشرة جنيه و هية طالعة و تاخد على قفاها و تمشي.
شوية و لقى واحد بيزعق و متضايق، وطى على ودنه قال له "مالك؟" قال له "حاجة تقرف! أنا متعطل خمس ساعات..لازم يزودوا الناس اللي بتضربنا على قفانا شويه!!!!!!!!"

ولا دي بجد تحفة

زار احد الوزراء صديقه الوزير البريطاني فاستضافه على الغذاء عندما وصل بيته وجد ان البيت أحد القصور الفارهه في بريطانيا و له حدائق شاسعه وتشطيباته من أفخم المواد فقال له: كيف بنيت هذا القصر الفخم ؟
ضحك الوزير البريطاني وقال لصديقه و هو يتجه الى النافذه و يفتحها تعال هنا ياعزيزي أنظر .. هناااااااااك أترى ذلك الكوبري ؟
فقال وزيرنا العربي نعم قال له انه كلف 100 مليون أسترليني و نفذناه بـ 90مليون بس ضحك صاحبنا الوزير و قال له دا شئ عظيم
دارت الأيام وقام الوزير البريطاني بزيارة صديقه فوجده يعيش في قصر أفخم من قصره و أكبر وأشيك بكتيير فأنبهر الوزير البريطاني وسأله كيف بنيت القصر هذا ضحك الوزير
وقام واتجه الى النافذه وقال له تعال شايف المتحف اللى هناك ده الوزير البريطاني : لا مافيش متحف
فقال له : أهو ده اتكلف 100 مليون دولار

من اشعار العبد لله 2

بمناسبة زيادة الاسعار اليكم هذه الاشعار من ابدعاتي

حكومة ذكية وشعب حزين
قاولوا الاسعار زادت ومش قادرين
مافيش علاوة يا مؤمنين
قالولهم علاوة ؟؟؟ نجيب منين
السعر زاد ده حال العالمين
واحنا دولة مديونين
طيب فكرة عظيمة يا شعب الفراعين
هتاخدوا علاوة علي الميه تلاتين
فرحنا وبقينا مظقطاطين
وقالوا الغلابة تحية سلامة لحبيب الملايين
يارافع رايتنا وحامي بلادنا يارب تعيش الاف السنين
قالوا ياشعب يا ناصح يا واعي انت عارف اننا مديونين
هنرفع سعر الغاز والسولار والبنزين
علشان يكون فيه موارد .. امال ياشعب اجيبلك منين
دي حاجة بسيطة هنرفع بس علي الميه اربعين
يعني علاوة ياناس تلاتين وتبقي الزياده كمان اربعين
والفرق ده اجيبه منين
يعني هنفضل كده شحاتين
صحيح حكومة ذكية لشعب حزين

من غير تهريج انا ماعنديش موهبة الشعر اصلا

احسن من الاضراب

المشاركة بالتوجه إلى الأماكن المحددة لأداء صلاتي الظهر والعصر أو قداس الأحد.

وبدون أى تظاهر أو هتاف أو تجمهر .

نتوجه إلى الله في صلاتنا معاً ليمدنا بالإيمان والقوة لتحرير بلادنا من القهر والفقر والسلبية.

ويساعدنا لفرض إرادة الشعب على الفاسدين والمستبدين.

أماكن الصلاة للمسلمين:

الجامع الأزهر

مسجد السيدة زينب

مسجد عمرو بن العاص(مصر القديمة )

مسجد عمر مكرم (ميدان التحرير)

مسجد الفتح (رمسيس)

مسجد مصطفى محمود ( المهندسين)

مسجد رابعة العدوية (مدينة نصر)

مسجد الاستقامة (ميدان الجيزة)

مسجد النور ( العباسية)

مسجد الحصري ( 6 أكتوبر)

فى اسكندرية:

مسجد القائد ابراهيم

مسجد ابو العباس

مسجد البيطاش

أماكن الصلاة للمسيحيين:

الكاتدرائية المرقسية ( العباسية)

كنيسة السيدة العذراء ( الزيتون)

الكنيسة المعلقة ( مصر القديمة)

كنيسة مارجرجس ( مصر الجديدة)

كنيسة القديس سمعان الخراز (المقطم)

كنيسة الأقباط الكاثوليك ( مصر الجديدة)

كنيسة قصر الدوبارة (ميدان التحرير)

أنا بصراحة عاجبني الموضوع ده

لقيته عند مراقب مصري فنقلته

الغاز المصري يتدفق إلى إسرائيل

من غير كلام علي العروبة والوطنية

والكلام اللي مالوش لازمة ده

الغاز المصري يصل الي اسرائيل

مصلحتك اولا

بس ايه المصلحة في كده؟؟!!!!

وده مش كلامي ولا كلام المعارضة الوحشين اللي بيشوهوا صورة الديموقراطية

ده خبر من رويترز والجزيرة كمان

شوف ياعم

علي فكرة حسين سالم ده صديق شخصي للرئيس

بدون تعليق

لا للتخريب

هكذا تحول الموضوع لبلطجة ........ وليس تعبير عن ظلم واقع
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تحديث

الداخلية تحذر رسميا من اجراءات فورية وحازمة ازاء التظاهر أو الاضراب يوم الأحد


قبل اضراب الأحد: الفضائيات تستعد..والتليفزيون المصري غير مهتم

القمة العربية

انتظر  الحكام العرب  حتي اخذوا الاومر ( مش اوامر من حد لا سمح الله-شافوا في الحلم يعني -)
بعدم حضور القمة العربية
لكن لو كانت القمة دي في امريكا كان الكل  حضر  ( يلا مش  مهم  )
بيقولوا بقي ان اللي مش هيحضر ....  مين ؟
اليمن -  مصر -  السعودية  - الاردن - العراق - المغرب - البحرين - عمان
 دول اللي هيبعتوا مندوبين عنهم  
اما لبنان مش رايحين خالص ( هو مين اللي فاضل كده ؟؟ )
 ( مش مهم )  هم يعني هيعملو ايه ؟؟؟   ولا الهوا !!!!!!!
اهو اي كلمتين هجص و لا يساووا  الورق اللي اتكتبوا عليه

الغريب  ان البعض في الفترة الاخيرة بدا يلمح  الي انحسار  دور مصر في المنطقة
لصالح السعودية  الغريبة بقي ان الاتنين مش هيحضروا مما يدل ان الاتنين مابيخدوش اوامر ولا حتي امريكا
وموضوع الدور بالظبط زي  العرايس  اللي كل خيوطه في ايد  ..................
( محدش  يقول  الشعوب لا سمح الله )

من اشعار العبد لله

رغم ان الشعر  ليس من بين مواهبي المتعددة
لكني  وجدت نفسي اكتب هذه الاشعار

امتي تمشي ..........  امتي تغور
امتي تسبنا بقي يا أمور
شعب بلدي بقي فرفور
لا بيتكلم ولا بيثور
حتي العيش بقي  بطابور
واللي يموت علشان الدور
واللي يموت علشان حاول انه يجيب لعياله فطور
دا غير حوادث المرور
والعبارة والطيارة   حتي الميه  فيها كلور
وانت حكومتك  فيها  كتير
اللي راكبلي فور باي فور
واللي خلاص عايش في الدور
ماهو وزير او كادر سياسي
حتي اللص بقي سناتور
هيا دي بلدي ياسي امور
ده برسيم وانت التور
امتي تسبنا  نعيش احرار
امتي ترحل ......... امتي تغور

إعلان

عزيزي العميل
ليه تموت بعيييييييييييييييييد .............لما ممكن تموت في مصر
إختار ما يناسبك
تشكيلة من احسن وافضل انواع الموت في العالم
ممكن تموت في حادثة علي الطريق
او تموت في عبارة
اوحتي في طابور عيش
كما نقدم لك بكل فخر ميزه جديدة جدا
موت في المكان اللي يعجبك
انشاالله حتي علي سواحل اوروبا


ونفخر بتقديم افضل العروض علي وجه الارض ........ والمريخ كمان
موت انت وعائلتك ........... واحصل علي هدية مجانية
كل الجرايد الحكومية قبل المعارضة والبرامج الحوارية كمان هتتكلم عنك لمدة شهر
مجـــــــــــــــــــــــــــــــــــــــــــــانـــــــــــــــــــا

شعارنا
انت في مصر ................. انت علي اول طريق الموت


الانفراد التام والغير موجود ولا حتي عند الجن الازرق
موت من الغيظ ...................ان الكلام ده بقاله اكتر من 10 سنين بيحصل
دون ان يتحرك احد من المسؤلين

مصر علي الطريقة السينمائية

الشعب المصري                            المذنبون
الحزب الوطني                             ليس لعصابتنا فرع اخر
كلام الحكومة عن الحرية                 هيســـــــــــــتريا
تصريحات الحكومة                       سمك لبن تمر هندي
المجموعة الاقتصادية                     لصوص لكن ظرفاء
نهر النيل                                  بئر الحرمان
طابور العيش                              كابتن مصر
امن الدولة                            انهم يقتلون الشرفاء
اعضاء المجالس المحلية               حرامية في KG2
الوظيفة                                   السراب
كلام الحكومة عن الدعم                  الوهم
السياسة والسياسيون               الراقصة والطبال
بيان الحكومة                          اللي بالي بالك
ــــــــــــــــــــــــــــــــــــــــــــــــــــــــــــــــــــــــــــــــــــ
؟؟؟؟؟؟؟؟؟؟؟؟؟؟؟؟؟؟؟                        الباشا
جمال مبارك                                  الرجل التاني والثالث (مافيش غيره اصلا)
احمد عز                                     عصفور له انياب
حبيب العادلي                                 امير الانتقام
سرور                                        الرجل الذي فقد ظله
احمد نظيف                                  الراجل ده هيجنني
صفوت الشريف                             المعلم بلبل
يوسف غالي                                 حرامي المحفظة
عائشة عبد الهادي                         فوزية البرجوازية
جودت الملط                                اخر  الرجال المحترمين
ــــــــــــــــــــــــــــــــــــــــــــــــــــــــــــــــــــــــــــــــــــ
وفي النهاية احب اقول : معلش احنا بنتبهدل

نظره علي زيارة مبارك لبولندا

والرئيس بيزور بولندا طبعا الجرايد بتاعتنا مش سايبه الموضوع
وكلام بقي عن المهلبية اللي هنعيش فيها بسبب هذه الزيارة
وبعدين وانا بقلب في الجرايد القديمة بتاعتي لقيت ان الكلام هو هو
من سنتين بس شالوا الصين وجابوا بولندا وبرضه كان فيه موضوع الرخاء والتنمية
وانتم شايفين بقي الرز باللبن اللي احنا فيه والمشاريع اللي نازله ترف من الصين لمصر

بالمناسبة بولندا تحررت عام 1990 من الاتحاد السوفيتي
وقبل كده كانت تحت حكم النازي الالماني
يبقي ازاي 80 سنة علي دوله بقالها 18 سنة بس
يمكن غلطة مطبعية

مذا يحدث يا عرب؟؟؟؟

اين انتم يا عرب؟؟؟؟؟؟؟؟؟؟؟؟؟؟
متم؟؟؟؟ ام صابكم الخرس؟؟؟؟؟؟

اوبريت  الضمير  العربي   تحميل

شفافية الاعلام المصري الغير موجه

للمرة الثانية علي التوالي اثبت الاعلام المصري انه يهتم بمشاكل الوطن المصري وكل مايهم الشئون العربية

حيث انه نشر في كل الصحف المصرية (القومية قبل المستقلة والحزبية ):خبر عودة عصام الحضري من رحلة هروبه الي سويسرا

كما سبق واستنكر وادان وشجب هروب اللاعب من ناديه

وكان الموضوع في الصفحات الاولي

اما خبر استشهاد فتاة مصرية برصاص اسرائيلي علي الحدود

ليس اكثر من زوبعة في فنجان وحادث بسيط يراد من اثارته تفكيك عناصر الامة

وتصريحات نائب وزير الدفاع الاسرائيلي بشأن (محرقة) للفلسطنيين في غزة

فهو امر عابر لايرقي لان يذكر

شكرا شكرا للنظام الذي سمح بحرية الاعلام الغير الموجه وحقيقي يجب ان نذكر تلك الابيات من قصيدة سبق نشرها

احبك تطبـّل تهـلل تهبـّـل عشان ماتش كورة وفيلم ومقال

واحبـك تأيــّد تعضّـد تمجّــد توافق تنافق وتلحس نعال

تحضّر نشـادر تجـمّع كوادر تلمـّع تقمـّع تظبـّط مجـال

لكن لـو تفكـّر تخـطط تقـرر تشغللـّي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها هاجيبك .. لايمكن أسيبك وراح تبقى عبرة وتصبح مثال

هابهدل جنابك واذل اللي جابك وهيكون عذابك دا فوق الاحتمال

وامرمط سعادتك واهزأ سيادتك واخللي كرامتك في حالة هزال

وتلبس قضية وتصبح رزية وباقي حياتك تعيش في انعزال

هتقبل هاحبك .. هترفض هلبـّك هتطلع هتنزل هاجيبلك جمااااال

مسلسل فساد المحليات

قرأت في الصحف عن فساد المحليات وأخر ما قرأت  :

مسلسل فساد المحليات:
توصيل المرافق لعمارة مخالفة بإمبابة بمستندات مزورة

وتذكرت مقولة  زكريا  عزمي :  ان الفساد في المحليات وصل للركب

تمنيت ان يكون في يدي زمام الامور
كنت  عزمت  كل بتوع المحليات  علي العشاء في القلعة.........
والفاتحة علي روح محمد  علي

لو حاربنا اسرائيل ايه اللي هيحصل !!!!!!

جلست مع صديقي  وكلي هم  نتابع الاخبار
 وبعد  ما عرفنا ان كل حاجة في البلد بتتباع
سألته عن رأيه قالي :  من اكثر من  30 سنة في شاعر اسمه نجيب  سرور  لخص الحوار ده كله
سألت قال ايه بقي  سي نجيب
رد عليا وكله حسرة :

لو طبّوا بكره اليهود يا مصر وخدوكي

والله ما ها يشيلوا من فوق الكراسى حد

هايلاقوا مين يحكمك غير اللى باعوكى ؟

مفروشه ليهم وقدم سبت تلقى الحد

قرأت  تصريحا  ل تامر حسني......  {اقصد تامر بيك حسني }
يقول: من يهاجمني  يهاجم مصر
فقررت فورا  ان  امسح كل اغاني  حسن الاسمر  من  علي جهازي

حتي لا اتهم بالعمالة  لدولة اجنبية
طبعا مش السمر  في وسط وجنوب افريقيا
وذهبت لصديقي
فوجدته مشغول بمسح اغاني الريس متقال
فلما سألته قال لي  : حتي لا اتهم بقلب نظام  الحكم
طبعا مش ريس

فكرة قديمة لكنها غائبة

كنت اتابع الاخبار كعادتي انا وصديقي وكان خبر تأجيل محاكمة حيتان الاسمنت
وشاهدت الفرحة في عيون الناس لم اعرف لماذا؟؟؟؟؟؟؟؟؟؟
مع العلم ان اسعار الاسمنت كما هي.
ثم سمعت تمنيات بمحاسبة المسؤل عن الحديد
المهم { مش انا } قصدي يعني وبعدين
استدرت لصديقي اسأله عن رأيه
فنظر لي نظرته المعتادة ثم ....
قال : هو اللي بني مصر كان ايه......؟؟
اجبت : كان حلواني ................ ملاحظة شعرت بالفخر لان دي اول مرة اجاوب علي أسئلته
قال : مادام حلواني يبقي ما بناش مصر بالحديد والاسمنت
وانما بالملبن والعسلية والبسبوسة............

قررت الحكومة وقف التعيينات نهائيا بالجهاز الإداري والاكتفاء في القانون الجديد بالمسابقات التي تختبر الكفاءة والمعلومات، ومن المضحك أن هذه المسابقات هي السبب في ضياع تكافؤ الفرص بين المجدين وبين المحاسيب، فيسألون ابن أخت الوزير في المسابقة لمن من العظماء أقيم تمثال سعد زغلول؟ أما أولاد الجارية فالسؤال من عينة: اذكر تعداد مصر في عصر عباس الأول واكتب أسماء السكان كل واحد باسمه الثلاثي .

أحمد رجب  جريدة الاخبار  2008/2/19

الفرق بين العمليتين

سالت احد الاصدقاء: ايه الفرق بين عملية السلام في الشرق الاوسط و عملية البواسير في المستشفي؟
قال لي ببساطة: الفرق ليس كبيرا لان في الحالتين لابد ان يلبس المريض "خابورا"

شعر جميل جدا

شوية شعر من رئيس دولة لشعبه
شوفت الحب لحد فين

ياشعبي حبيبي ياروحي يابيبي ياحاطك في جيبي ياإبن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله دا حال
أحبك محشش مفرفش مطنش ودايخ مدروخ وآخر انسطال
أحبـك مكبـر دماغـك مخـدر ممشـّي أمورك كـده باتكال
واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبــالع لســانه وكاتم ماقال
واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي مُحبط وشايف محال
واحبك تســـافر وتبعد تهاجــر وتبعت فلوسك دولار أو ريال
واحبك تطبـّل تهـلل تهبـّـل عشان ماتش كورة وفيلم ومقال
واحبـك تأيــّد تعضّـد تمجّــد توافق تنافق وتلحس نعال
تحضّر نشـادر تجـمّع كوادر تلمـّع تقمـّع تظبـّط مجـال
لكن لـو تفكـّر تخـطط تقـرر تشغللـّي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها هاجيبك .. لايمكن أسيبك وراح تبقى عبرة وتصبح مثال
هابهدل جنابك واذل اللي جابك وهيكون عذابك دا فوق الاحتمال
وامرمط سعادتك واهزأ سيادتك واخللي كرامتك في حالة هزال
وتلبس قضية وتصبح رزية وباقي حياتك تعيش في انعزال
هتقبل هاحبك .. هترفض هلبـّك هتطلع هتنزل هاجيبلك جمااااال

إسرائيل أعدت خططا سرية لتدمير منشآت تخصيب اليورانيوم الإيرانية بأسلحة نووية.كدة المفروض نخاف على "المفاعل" المصري لأحسن إسرائيل تضرب السور بتاعه وكام متر الرمل اللي هيركب بيهم السيراميك!!!